Organizata "Jeta"
Organizata "Jeta" është Organizatë Joqeveritare dhe Jofitimprurëse
Organizata "Jeta" është Organizatë Joqeveritare dhe Jofitimprurëse, ka profil social bazuar në nenin 748 të Kodit Civil të Republikës së Greqisë. Organizata “Jeta” u themelua në muajin mars të vitit 2016.
Selia e Organizatës "Jeta" është në kryeqytetin e Greqisë, Athinë, zyrat e saj qendrore ndodhen në adresën:
- Kapodistriou 38 & 3-i Setembriou, kati i 4-t, Kodi Postar 10432.
.
Rreth nesh
Organizata "Jeta" (Non Profit Urban Company) është Organizatë Joqeveritare dhe Jofitimprurëse, ka profil social bazuar në nenin 748 të Kodit Civil të Republikës së Greqisë.
Organizata “Jeta” u themelua në muajin mars të vitit 2016 nga një grup njerëzish me vizion dhe vullnet të madh me qëllim për të ndryshuar cilësinë e jetës së gruas, të familjes, shtresave delikate dhe vet komunitetit shqiptar në Greqi.
Themelimi i Organizatës “Jeta” ishte një domosdoshmëri dhe qëllim për të nxjerrë në pah gruan shqiptare, vlerat e saj, për të përforcuar bashkëpunimin midis tyre dhe njëkohësisht për të ngritur imazhin e femrës shqiptare, për ta faktorizuar atë si dhe për t’i dhënë asaj rolin dhe pozitën që i takon në shoqëri.
Ndërsa në fillim themelueset/it ishin në grup i vogël njerëzish, me kalimin e kohës, përpjekja e madhe, falë punës profesionale dhe angazhimin e pa kursyeshëm në këtë mision, bëri që sot Organizata “Jeta” të numëroj më shumë se 1800 gra anëtare dhe të ketë më shumë se 6-të degë të saj në të gjithë Greqinë, si në: Selanik, Veria, Patra, Larisa, Volos dhe në Mikonos.
Misioni ynë
Organizata “Jeta” fokusohet kryesisht në kërkimin, studimin, komunikimin dhe ndërhyrjen në çështjet që i përkasin përmirësimit të cilësisë së jetës së gruas dhe të grupeve delikate të shoqërisë, duke kontribuar kështu në përpjekjet për përmirësimin e mirëqenies sociale, duke ofruar ndihmë në zbulimin dhe komunikimin e çështjeve sociale që u përkasin, qoftë në mënyrë të pavarur, apo ndërmjet koordinimit të veprimeve, njohurive dhe të ardhurave me organizma të tjerë për të njëjtin qëllim.
- Mbështetje dhe fuqizimi i gruas dhe të grupeve delikate të shoqërisë.
- Rritjen e aksesit të grave dhe grupeve delikatë të shoqërisë në njohuri dhe edukim:
Përgatitja e programeve në edukim, në komunikim, në kulturë, në
përmirësimin e personalitetit dhe në vullnetarizëm.
- Mbështetje morale dhe materiale për anëtarët e shoqërisë më të pa privilegjuar:
Zhvillimin e veprimtarive dhe Institucioneve Shoqërore e Solidaritare.
- Promovimi i frymës ndërkulturore:
Zhvillimin dhe promovimin e njohurive shkencore, teknologjike, sociologjike, ekonomike dhe kulturore të të gjitha formave dhe të gjitha niveleve.
- Promovimi objektiv dhe i hapur i dialogut në rang kombëtar, ndër-ballkanik dhe Europian për avokim koherentë, konsistentë dhe efektivë të politikave mbrojtëse të Drejtave të Grave dhe të Grupeve Delikate të Shoqërisë dhe kryesisht (të huajve) emigrantëve.
- Promovimi dhe nxjerrja në pah e politikave dhe praktikave efektive që realizohen në vende apo zona të ndryshme të botës;
informimi, ndërgjegjësimi dhe aktivizimi i opinionit publik si dhe të
administratës publike (shteti, autoritetet lokale, shteti në përgjithësi).
- Bashkëpunimi me Organizata të tjera Joqeveritare, Organizata Sindikaliste, Shoqërore, Organizata Sociale, institucione te rangut kombëtar dhe ndërkombëtar.
- Komunikimi, informimi dhe përhapja e ushtrimit fizik të jetesës së shëndetshme dhe të ushqyerit me produkte biologjike.
Aktualisht Organizata "Jeta" ka krijuar brenda një kohe shumë të shkurtër gjshtë degë në Greqi dhe së shpejti do të hapen dhe degë të tjera.
Përveç Athinës organizata "Jeta" ka degët e saj në: Selanik, Veria, Patra, Larisa dhe Volos dhe në Mikonos.
